ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

នាយករដ្ឋមន្ត្រីព្រមានមន្ត្រីរដ្ឋាភិបាលផ្សេងទៀតក្រោយដកអភិបាលក្រុងកែបចេញពីតំណែង

  • ចុះផ្សាយថ្ងៃទី១២ ខែមករា ឆ្នាំ២០២៤ ម៉ោង ១០:៥៨ នាទី ដោយ Hun Sirvadh
  • 2049
  Aa |   aA

ភ្នំពេញ៖ នាយករដ្ឋមន្ត្រី សម្ដេចធិបតី ហ៊ុន ម៉ាណែត បានផ្ញើសារដល់មន្ត្រីរដ្ឋាភិបាលទាំងអស់ឱ្យប្រកាន់ខ្ជាប់នូវអភិក្រមទាំង៤ របស់រដ្ឋាភិបាលដើម្បីបម្រើប្រជាពលរដ្ឋឱ្យបានល្អ ខណៈព្រមានអនុវត្តន៍អភិក្រមទី៥ ដោយជៀសមិនរួចលើមន្ត្រីណាដែលនាំឱ្យប៉ះពាល់ធ្ងន់ធ្ងរដល់ផលប្រយោជន៍ជាតិ និងប្រជាជន។

សាររបស់នាយករដ្ឋមន្ត្រីបានបង្ហោះនៅលើបណ្ដាញសង្គមរបស់សម្ដេចនៅព្រឹកថ្ងៃសុក្រ ទី១២ ខែមករា ឆ្នាំ២០២៤ បន្ទាប់ពីបានសម្រេចដកអភិបាលក្រុងកែប លោក ខេង យ័ន ចេញពីតំណែង។

សម្ដេចធិបតីបានផ្ញើសារថា៖ «ខ្ញុំសង្ឃឹមថា មន្ត្រីទាំងអស់របស់រាជរដ្ឋាភិបាលទាំងថ្នាក់ជាតិ និងក្រោមជាតិ នឹងប្រកាន់ខ្ជាប់នូវអភិក្រមទី១ រហូតដល់ទី៤ ឲ្យបានជាប់ជាប្រចាំ ជាពិសេសក្នុងការបម្រើប្រជាពលរដ្ឋឲ្យបានល្អ និងដើម្បីជៀសវាងការឈានទៅដល់ការអនុវត្តអភិក្រមទី៥»។

អភិក្រមទាំង៥ ដែលជាអនុសាសន៍របស់អតីតនាយករដ្ឋមន្ត្រី និងបានអនុវត្តន៍មកដល់បច្ចុប្បន្នរួមមាន ឆ្លុះកញ្ចក់ ងូតទឹក ដុះក្អែល និងវះកាត់ ដែលមានន័យថាពិនិត្យមើលខ្លួនឯងបើមានកំហុសត្រូវខំកសាងលុបលាងកំហុសកសាងគុណសម្បត្តិវិញ ហើយបើនៅតែមិនព្រមកែនឹងត្រូវប្រឈមនឹងវិធានការតឹងរឹងនិងផ្លូវច្បាប់។

គួរឱ្យដឹងផងដែរថា លោក ខេង យ័ន ត្រូវបានសម្ដេចធិបតីដកតំណែងចេញនៅថ្ងៃទី១២ ខែមករា ឆ្នាំ២០២៤ នេះបន្ទាប់ពីបានប្រើប្រាស់អំណាចនៃតួនាទីរបស់ខ្លួនប្រព្រឹត្តអំពើដែលនាំឲ្យប៉ះពាល់ដល់ផលប្រយោជន៍រដ្ឋ និងផលប្រយោជន៍របស់ប្រជាពលរដ្ឋជាច្រើន។ ការសម្រេចចិត្តនេះគឺផ្អែកទៅលើមូលដ្ឋានច្បាស់លាស់ នៃការស៊ើបអង្កេតរបស់អង្គភាពប្រឆាំងអំពើពុករលួយ៕


ព័ត៌មានជាច្រើនទៀតសម្រាប់អ្នក